Sukuwaipamaajatü

Tü ekirajaale müloüsükat Universidad Nacional de Colombia akumajuushi wanaapüna sümaa juya´ 1867 sünainjee wanee karaloutta kanüliasü Ley 66 sulu´ujeejatü noutkajaale alijuna laülayuu kanülian Congreso de la Republica, ekirajaleekat aluwattasü sau sukuwaipa sümüiwa´a sünainjeejatü türa miichi mülousükat Ministerio de Educación Nacional, jutatüsü apülaa jee sükorolo tü mma´pa´a mülousükat.

Sünainjee sukuwaipa pütchikat eekalü sulu´u tü Constitución akumalaasükat nanainjee naa alijuna laülayuukana, tü ekirajaleekat Universidad Nacional de Colombia eesü wanee karaloutta kanüliasü Decreto-Ley 1210 ojuittaasü wanaa sümaa juya´1993, aapakat sütsüin, jee wanee akuwaipa, laülaasü sa´u sukuwaipa süpüla sukumajüin tü shikirajüinjatkat anain, tü süchajeeria atüjaa jee saja´apülaaya shia. 

Nojotsü aluwataushin shia eesü süpüla süchajaain sukuwaipa wanee kasa, sünainjee sünülia tü aluwatawaa mülounsükat jee sünainjee sünülia shiakalia, anasünjatüin ma´in tü ekirajawaakat; shikerotüinjatüin anainmüin jee anainjanain naa ekirajüliikana, achaje´eria sukuwaipa wane kasa, tü atüjaa kojuyakalü akuwaipa, akumajaa sukuwaipa ejeerata, süsawajünüinjatüin sa´anasiasekat atüjaa.

Süka einjatüin sulu´u seerulüin mma´apa´akat eje´ewarülein süpüla shiayatirüinjatüin tü akuwaipa wattakalü saalin, tü ekirajaleekat eirü shia sulu´u mekiisalü mma´pa´a mau´uluyaa: Amazonas, Caribe, Bogotá, Manizales, Medellín, Oriniquía, Palmira, Tumaco.